მასწავლებელთა პროფესიული განვითარების ეროვნული ცენტრი საქართველოს საგანმანათლებლო ტექნოლოგიების კონფერენციაში მომხსენებლად გამოსვლის მსურველთა რეგისტრაციას აცხადებს. ყოველწლიური, რიგით მეოთხე, კონფერენცია მიმდინარე წლის 16-17 დეკემბერს ჩატარდება.

კონფერენცია მიზნად ისახავს ტექნოლოგიების სფეროში მიმდინარე თანამედროვე ტენდენციების შესახებ დაინტერესებული მხარეების ინფორმირებას, ტექნოლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობასა და გაზიარებას.

კონფერენციაში მონაწილეობის მიღება შეუძლიათ მასწავლებლებს, ექსპერტებს, უნივერსიტეტის წარმომადგენლებსა და საგანმანათლებლო ტექნოლოგიების სფეროში მოღვაწე ორგანიზაციებს.

კონფერენციაზე მომხსენებლად გამოსვლის მსურველებმა რეგისტრაცია უნდა გაიარონ კონფერენციის ვებ-გვერდზე: http://getc.ge/ge/register 2 ოქტომბრიდან -22 ოქტომბრის ჩათვლით.

კონფერენციაზე მონაწილეთა რეგისტრაცია მასწავლებელთა პროფესიული განვითარების ეროვნული ცენტრის ვებგვერდზე მოგვიანებით გამოცხადდება.