მასწავლებელთა პროფესიული განვითარების ეროვნულ ცენტრში „ინკლუზიური პროფესიული განათლება, მისი მართვა და ინდივიდუალური მიდგომები პროფესიული განათლებისას" ტრენინგები პროფესიული მასწავლებლებისთვის ჩატარდა.

ხუთდღიან ტრენინგზე პროფესიული სასწავლებლის მასწავლებლებს საშუალება ჰქონდათ გაცნობოდნენ ისეთ საკითხებს, როგორიცაა: ინკლუზიური განათლება პროფესიულ სასწავლებლებში; ალტერნატიური ტესტირება; ინდივიდუალური ტრანზიციის გეგმა და ინდივიდიუალური სასწავლო გეგმა; მულტიდისციპლინური გუნდური მუშაობა; სპეციალური საგანმანათლებლო საჭიროების მქონე სტუდენტის შეფასება; სპეციალური საგანმანათლებლო საჭიროების მქონე სტუდენტის სწავლების სტრატეგიები; ეფექტური სასწავლო პროცესის დაგეგმვა; უნივერსალური დიზაინი; სასწავლო გარემო და მისი მორგება; სასწავლო მასალის შექმნა და ადაპტირება და სტუდენტების პორტფოლიო.

ტრენინგები საქართველოს განათლებისა და მეცნიერების სამინისტროსა და ნორვეგიის განათლების სამინისტროს ერთობლივი პროექტის ფარგლებში ხორციელდება.