მასწავლებელთა პროფესიული განვითარების ეროვნულ ცენტრში საზოგადოებრივი კავშირის მეგობრობის ხიდი “ქართლოსი” და პოლონური ორგანიზაცია „საერთაშორისო განათლების ცენტრის“ პროექტის „დებატების სკოლა 2014“ დასკვნითი კონფერენცია გაიმართა.

კონფერენციაზე მოწვეული სტუმრები საშუალება ქონდათ გაცნობოდნენ საჯარო სკოლებში თვითმმართველობების მუშაობის და დებატების კულტურის პოლონურ გამოცდილებას, ამასთანავე წარედგინათ პროექტის „დებატების სკოლა 2014“-ის შედეგები და ინფორმაცია განხორციელების პროცესის შესახებ, რომელზეც პროექტში ჩართულმა ტუტორებმა, მასწავლებლებმა და მოსწავლეებმა ისაუბრეს.

ასევე, კონფერენციაზე მოხსენებებით წარსდგნენ პროექტის ორგანიზატორები და ტრენერები.

პროექტი მიზანად ისახავდა სკოლაში სოციალური აქტივობის გაუმჯობესებას, მათში ახალგაზრდების ჩართულობის გაზრდას, გადაწყვეტილების მიღების პროცესში მოსწავლეთა მონაწილეობის ხელშეწყობას, კრიტიკული აზროვნების და არგუმენტაციის უნარების განვითარებას.

პროექტის ფარგლებში საჯარო სკოლების მოსწავლეებს ჩაუტარდათ ტრენინგები დებატების ტექნიკებსა და სკოლის პრობლემების დიაგნოსტირების მეთოდებში, რის შემდეგაც განახორციელეს კვლევა, გამოკვეთილი პრობლემებიდან შეარჩიეს ყველაზე აქტუალური და გამართეს დებატი. გამოკვეთილი პრობლემების მოგვარებაზე გუნდები მომავალშიც გააგრძელებენ მუშაობას.