გერმანული ენის მასწავლებლები კვალიფიკაციას დუესელდორფში, საერთაშორისო კომუნიკაციის ისნტიტუტში აიმაღლებენ. მასწავლებელთა პროფესიული განვითარების ეროვნულმა ცენტრმა თბილისისა და საქართველოს სხვადასხვა რეგიონების საჯარო სკოლის პედაგოგები გერმანიაში ორკვირიან სტაჟირებაზე გაუშვა. სპეციალურად შერჩეული 10 პედაგოგი გადამზადებას შემდეგი მიმართულებებით გაივლიან:

· გრამატიკისა და ლექსიკის სწავლების უახლესი მეთოდები;

· ონლაინ ინსტრუმენტების გამოყენება გერმანული ენის სწავლების პროცესში;

· სასწავლო საიტების/ბლოგების მომზადება;

· მხატვრული ლიტერატურა უცხო ენის გაკვეთილზე და სხვ.

 საერთაშორისო კომუნიკაციის ისნტიტუტი მსოფლიოს თითქმის ყველა ქვეყნიდან ჩასულ მასწავლებლებს ამზადებს. საქართველო ამ პროგრამაში პირველად ჩაერთო.

პედაგოგების შერჩევა რამდენიმე ძირითადი კრიტერიუმით მოხდა:

· მაღალი ქულა სასერტიფიკაციო გამოცდაში;

· მასწავლებელთა პროფესიულ სქემაში ჩართულობა;

· რეგიონალური პრინციპი.

მასწავლებელთა პროფესიული განვითარების ეროვნული ამ და სხვა საგნების მასწავლებლებს საზღვარგარეთ სტაჟირების მიზნით მომავალშიც გააგზავნის.