მასწავლებელთა პროფესიული განვითარების ეროვნულმა ცენტრმა დაიწყო გრძელვადიანი ტრენინგები მასწავლებელთა პროფესიული განვითარების პედაგოგიურ-ფსიქოლოგიურ საფუძვლებში.

კურსის მიზანია მასწავლებელთა პროფესიულ სტანდარტთან და ეთიკის კოდექსთან მსმენელთა ცოდნისა და უნარ-ჩვევების შესაბამისობის უზრუნველყოფისთვის ხელშეწყობა. მსმენელები მიიღებენ პედაგოგიურ და ფსიქოლოგიურ ცოდნას, დაეუფლებიან სათანადო უნარ-ჩვევებს, რათა მოსწავლეზე და შედეგზე ორიენტირებული სწავლების პირობებში შეძლონ სასწავლო პროცესის ეფექტურად წარმართვა.

კურსი შედგება ექვსი მოდულისგან:

• საქართველოს ზოგადსაგანმანათლებლო სისტემის ძირითადი საფუძვლები;
• სწავლისა და განვითარების თეორიები და მისი გამოყენება სასწავლო პროცესში;
• სასწავლო პროცესის დაგეგმვა და სწავლის ეფექტური სტრატეგიები;
• კომუნიკაციის პროცესი და მოსწავლეთა მოტივაცია;
• კლასის მართვისა და კონფლიქტის მოგვარების ეფექტიანი სტრატეგიები;
• სასწავლო პროცესის შეფასება.

კურსის ფარგლებში სწავლება ორიენტირებული იქნება არა მხოლოდ თეორიული ცოდნის მიღებაზე, არამედ სასწავლო პროცესში ამ ცოდნის ეფექტიანად გამოყენების უნარების განვითარებაზე.