პროგრამა ”პესტალოცის” ევროპულ სამუშაო შეხვედრებში, საზაფხულო სკოლებსა და ტრენერთა ტრენინგებში მონაწილეობის მიღება შეუძლია საჯარო და კერძო სკოლის მასწავლებლებს, სახელმძღვანელოების ავტორებს, დირექტორებს, განათლების სპეციალისტებსა და მასწავლებელთა ტრენერებს, ხოლო ევროპულ ტრენინგ მოდულებში - მასწავლებელთა ტრენერებს, რომლებიც ახორციელებენ ტრენინგებს საგანმანათლებლო სფეროში.

თითოეული ღონისძიების ორგანიზატორი ორგანიზაცია თავად აწესებს კრიტერიუმებს მასწავლებელთა შესარჩევად, შესაბამისად, აპლიკანტის განათლება, გამოცდილება და საქმიანობის სფერო უნდა შეესაბამებოდეს მითითებულ მოთხოვნებს.

პროგრამაში მონაწილე ყველა მასწავლებელი უნდა ფლობდეს სასურველი აქტივობის სამუშაო ენას საშუალოზე მაღალ დონეზე, კერძოდ, ევროსაბჭოს მიერ დადგენილი ენის კომპეტენციის B2 ან უფრო მაღალ დონეზე.

პროგრამა ”პესტალოცის” ევროპულ სამუშაო შეხვედრებში, საზაფხულო სკოლებსა და ტრენერთა ტრენინგებში (ყოფილი ევროპულ ტრენინგ მოდული) მონაწილეობის მისაღებად კანდიდატებმა უნდა შეავსონ ელექტრონული სააპლიკაციო ფორმა, რა ენაზეც გაიმართება სამუშაო შეხვედრა. თუ რეგისტრაციის ჩამონათვალში არ არის თქვენთვის სასურველი აქტივობა ეს ნიშნავს, რომ აპლიკაციის შევსების ვადა არის გასული ან მოგვიანებით დაემატება.

განაცხადის ატვირთვის შემდეგ, კანდიდატის დამსაქმებელს ელექტრონულ ფოსტაზე გაეგზავნება შეტყობინება დასაქმებულის განაცხადის დამოწმების თაობაზე. დამსაქმებლის მიერ განაცხადის დამოწმების შემდგომ პესტალოცის ოფიციალური საკონტაქტო პირი (მასწავლებელთა პროფესიული განვითარების ეროვნული ცენტრიდან) ახდენს განაცხადის ავტორიზაციას. ამის შემდგომ კანდიდატების შერჩევა ხდება მასპინძელი ორგანიზაციის მიერ.

პროგრამა „პესტალოცის“ სამუშაო შეხვედრებში, საზაფხულო სკოლასა და ტრენინგებში მონაწილეობის მიღების მსურველთა შერჩევისას პროგრამის ადმინისტრაცია უფლებას იტოვებს აპლიკაციის განხილვის შემდეგ გაესაუბროს აპლიკანტს (ტელეფონით ან პირისპირ) უცხო ენის ფლობის დონის და პროგრამაში მონაწილეობის მოტივაციისა და კომპეტენციების შეფასების მიზნით.

”პესტალოცის” ტრეინინგებსა და სემინარებში მონაწილე პირი თავად უწევს ორგანიზებას მგზავრობასა და ვიზიტის დაგეგმვას შესაძლო ვარიანტებიდან ყველაზე ეკონომიური გზით. შერჩეული მონაწილეს სამუშაო შეხვედრაზე ან სხვა აქტივობაზე მგზავრობის (თვითმფრინავის ბილეთის) თანხას, ქვეყნის შიგნით მგზავრობის და სასტუმროს ხარჯებს მასწავლებელთა პროფესიული განვითარების ეროვნული ცენტრი აანაზღაურებს მოთხოვნილი დოკუმენტების წარმოდგენის საფუძველზე.

გთხოვთ გაითვალისწინოთ, რომ პროგრამის ფარგლებში არ ანაზღაურდება სამოგზაურო დაზღვევის თანხა.

პროგრამაში მონაწილეობის მსურველთა საყურადღებოდ!!!

აპლიკაციის შევსებისას, გთხოვთ,გაითვალისწინოთ, რომ აპლიკაციის გამოგზავნის ბოლო ვადა აღნიშნულია აქტივობების კალენდარში

იმ პირთა საყურადღებოდ, რომელთაც უკვე მიიღეს მონაწილეობა პროგრამა „პესტალოცის“ ფარგლებში ორგანიზებულ სამუშაო შეხვედრებსა და საზაფხულო სკოლაში