სსიპ-მასწავლებელთა პროფესიული განვითარების ეროვნული ცენტრი ევროკომისიის დახმარებით 2013 წლის მარტის თვიდან ახორციელებს მასწავლებელთა დამეგობრების პროგრამას (eTwinningplus), რომლის მიზანია ქართველ და ევროპელ მასწავლებელთა დამეგობრება, კომუნიკაცია და გამოცდილების გაზიარება. Etwinning-ის ფარგლებში ქართველი მასწავლებლები თანამშრომლობენ ევროპელ კოლეგებთან, რათა ერთობლივად დაგეგმონ საგანმანათლებლო პროექტები.

პროგრამა მასწავლებლებს ევროპის მასშტაბით ყველაზე ცოცხალ და საინტერესო საგანმანათლებლო ქსელში ჩაერთვის საშუალებას აძლევს. eTwinningPlus პორტალი (https://plus.etwinning.net/en/pub/index.htm) მთავარი სამუშაო სივრცეა, რომელიც დარეგისტრირებულ მასწავლებლებს პარტნიორების მოსაძიებლად, სასურველი პროექტების შესარჩევად და მასში მონაწილეობის მისაღებად მრავალფეროვან ინსტრუმენტებსა და სერვისებს სთავაზობს.

პროგრამის მიზანი:

პროგრამის მიზანია გამოცდილების გაზიარების მიზნით დაეხმაროს მასწავლებელებს ჩამოაყალიბონ მყარი კოლეგიალური ურთიერთობები რეგიონულ და საერთაშორისო დონეზე; ხელი შეუწყოს წარმატებული სასკოლო პრაქტიკის იდენტიფიცირებას და გაზიარებას, ასევე სწავლების ინოვაციურ მეთოდების გაცნობას და გამოყენებას;

საკონტაქტო პირი - ხატია მატკავა 577 23 98 23