მასწავლებლის სახლში განსაკუთრებული საჭიროებების მქონე ბავშვების ნამუშევრების გამოფენა მოეწო. ღონისძიებას მოწვეულ სტუმრებთან ერთად განათლებისა და მეცნიერების სამინისტროს მასწავლებელთა პროფესიული განვითარების ეროვნული ცენტრის დირექტორი გია მამულაშვილიც დაესწრო. 

მასწავლებლის სახლში სულ 200-მდე ხელნაკეთი ნივთი გამოიფინა, მათ შორის იყო ნახატები, სხვადასხვა აპლიკაციები, ნაქარგები,თექისა და კერამიკის ნივთები, ნაქსოვი და ხელნაკეთი თოჯინები, სამკაულები და სხვა.

გამოფენაზე  მე-200, 198-ე, 203-ე  და ქუთაისის 45-ე სმენადაქვეითებულ ბავშვთა სკოლების მოსწავლეების ნამუშევრები იყო წარმოდგენილი. თითოეული მათგანი ბავშვებმა მასწავლებლების დახმარებით შექმნეს.

მასწავლებლის სახლში სხვადასხვა სკოლების მოსწავლეებისა და მასწავლებლების ნამუშევრების გამოფენა მომავალშიც მოეწყობა.