სსიპ „ნატოსა და ევროკავშირის შესახებ საინფორმაციო ცენტრის“ ორგანიზებით, საქართველოში ნატოს სამეკავშირეო ოფისის მხარდაჭერითა და მასწავლებელთა პროფესიული განვითარების ცენტრთან თანამშრომლობით უკვე მეხუთე წელია ხორციელდება საგანმანათლებლო-შემეცნებითი სემინარი: „ნატო – არჩევანი მშვიდობიანი და სტაბილური განვითარებისთვის“, რომელშიც საქართველოს სხვადასხვა რეგიონის პედაგოგები თბილისელ კოლეგებთან ერთად მონაწილეობენ.

პროექტის მიზანია მასწავლებლების ინფორმირება ნატოს მიზნებისა და ამოცანების, ნატო-საქართველოს ურთიერთობებისა და საერთაშორისო მისიებში საქართველოს მონაწილეობის შესახებ. მონაწილეები შეხვდებიან სამთავრობო უწყებებისა და დიპლომატიური კორპუსის წარმომადგენლებს, ასევე, ექსპერტებს.

სემინარი გაიმართება 2017 წლის 30-31 ოქტომბერს, თბილისში. სემინარს დაესწრება პირველი 15 მასწავლებელი თბილისის კერძო და საჯარო სკოლებიდან, რომლებიც გაივლიან რეგისტრაციას. 30 ოქტომბერს სემინარი გაიმართება 14:00-18:00 საათებში, 31 ოქტომბერს კი 10:00 - 15:00 საათებში.

მონაწილე სასურველია ასწავლიდეს ისტორიას, სამოქალაქო განათლებას ან გეოგრაფიას.

რეგისტრაციის ბმული: https://docs.google.com/forms/d/1LBXBBuN6N0Ss7Y8yAbsNeZmp8nTeBo9lQVvnyDLbBwQ/edit