მასწავლებელთა პროფესიული განვითარების ეროვნული ცენტრში, ინკლუზიური განათლების ხელშეწყობის პროგრამის ფარგლებში, სპეციალური მასწავლებლებისთვის განხორციელებული სასწავლო ტურის შედეგები შეაჯამეს.
შეხვედრას ესწრებოდა 10 მასპინძელი სკოლის დირექტორი, საგნის მასწავლებლები და სუპერვიზორები, ასევე, მოწვეული იყო განათლებისა და მეცნიერების სამინისტროს ინკლუზიური განათლების განვითარების სამმართველოს უფროსი ეკატერინე დგებუაძე.
სასწავლო ტური სპეციალური მასწავლებლებისთვის 15-20 მაისს თბილისში ჩატარდა და მიზნად ისახავდა რეგიონებში ინკლუზიური განათლების ხელშეწყობას, ადგილობრივი სპეციალური მასწავლებლებისთვის წარმატებული პრაქტიკის გაზიარების გზით.
პროექტი უკვე მეორედ ხორციელდება და ინკლუზიური განათლების სპეციალისტებს საშუალებას აძლევს, გაეცნონ თბილისის წარმატებული სკოლების ინკლუზიური განათლების პრაქტიკას და მისი შედეგიანად დანერგვის ფაქტორებს.
ინკლუზიური განათლების ხელშეწყობის პროგრამის ექსპერტ-კონსულტანტმა და ტურის ხელმძღვანელებმა შეხვედრის მონაწილეებთან ერთად განიხილეს ტურის შედეგი და აღნიშნეს, რომ გაზიარებული გამოცდილების საფუძველზე, რეგიონის სპეციალური მასწავლებლები წარმატებით შეძლებენ სსსმ მოსწავლეების ჩართვას ზოგადსაგანმანათლებლო სასწავლო პროცესში.
|
28 ივნისი , 2017
