მასწავლებლის სახლში, გარემოსა და ბუნებრივი რესურსების დაცვის სამინისტრო, სსიპ მასწავლებელთა პროფესიული განვითარების ეროვნულ ცენტრთან თანამშრომლობით, ცნობიერების ამაღლების, გარემოსდაცვით აქტივობებში საზოგადოების ჩართულობისა და ინფორმირების მიზნით საინფორმაციო შეხვედრა გაიმართა. შეხვედრას გეოგრაფიისა და ბიოლოგიის მასწავლებლები ესწრებოდნენ.

შეხვედრაზე მასწავლებლებს საშუალება ჰქონდათ, გარემოსდაცვითი განათლების სფეროში მიმდინარე სიახლეებს და სსიპ გარემოსდაცვითი ინფორმაციისა და განათლების ცენტრის მიმდინარე საგანმანათლებლო პროექტებს გაცნობოდნენ. აღნიშნული ინფორმაციის მიღების შემდეგ მასწავლებლებს საშუალება ექნებათ თანამშრომლობის ფარგლებში დაგეგმონ და განახორციელონ ერთობლივი აქტივობები.