მასწავლებელთა პროფესიული განვითარების ეროვნულ ცენტრისა და ათასწლეულის გამოწვევის ფონდი-საქართველოს თანამშრომლობით, პროფესიული საგანმანათლებლო დაწესებულებების პროფესიული ორიენტაციისა და კარიერის დაგეგმვის მენეჯერებისთვის ორდღიანი ტრენინგი გაიმართა. ტრენინგს ათასწლეულის გამოწვევის საერთაშორისო ტრენერი ალექსანდერ სიბონი უძღვებოდა.

ტრენინგის ამოცანაა პროფესიული საგანმანათლებლო დაწესებულების პროფორიენტაციისა და კარიერის დაგეგმვის მენეჯერებმა მიიღონ მასწავლებელების საჭიროებათა ანალიზის, მასწავლებლებისთვის საწარმოში ტრენინგის დაგეგმვის, ფასილიტაციისა და ტრენინგის შედეგების შეფასებისათვის საჭირო უნარ-ჩვევები.

სასწავლო პრაქტიკის დროს სტუდენტები გადიან პრაქტიკულ სწავლებას საწარმოებში, შესაბამისად, აუცილებელია, რომ მასწავლებელს ჰქონდეს ინფორმაცია და წვდომა საწარმოებში არსებული უახლესი ტექნოლოგიების შესახებ, კარგად იცნობდეს საწარმოების შიდა სტრუქტურასა და სამუშაოს მიმდინარეობას. საწარმოში ტრენინგების დროს მასწავლებლებს საშუალება ექნებათ, გაიღრმავონ პროფესიული ცოდნა და განივითარონ პროფესიული უნარები. სასწავლებლების ბაზაზე მასწავლებელთა პროფესიული განვითარების ღონისძიებების დაგეგმვა და განხორციელება ხელს შეუწყობს, როგორც სასწავლებლების შიდა განვითარებას, ისე სასწავლებლებსა და საწარმოებს შორის ურთიერთთანამშრომლობის გაღმავებას.

უახლოეს მომავალში საწარმოებში მასწავლებელთა ტრენინგები განხორციელდება, რომელთა შინაარსი და თემატიკა დაფუძნებული იქნება თავად მასწავლებელთა საჭიროებებზე.