მასწავლებელთა პროფესიული განვითარების ეროვნულმა ცენტრმა პროგრამის „ქართული ენა მომავალი წარმატებისთვის“ ფარგლებში დამხმარე მასწავლებლის პოზიციაზე კონკურსები გამოაცხადა.

პროგრამა ვაკანსიას სთავაზობს

· ქართული ენისა და ლიტერატურის, დაწყებითი განათლებისა და საზოგადოებრივი მეცნიერებების (ისტორია, გეოგრაფია) მიმართულების მინიმუმ ბაკალავრის ხარისხის მქონე პირებს;

· აღნიშნული საგნების სწავლების 2-წლიანი უწყვეტი გამოცდილებისა და უმაღლესი განათლების მქონე პირებს;

· ზემოაღნიშნული საგნების მასწავლებლის დამადასტურებელი სერტიფიკატის მფლობელ, უმაღლესი განათლების მქონე პირებს.

პროგრამაში მონაწილეობა ამჯერად ეროვნული უმცირესობის წარმომადგენელ იმ ბაკალავრებსაც შეუძლიათ, რომლებმაც აკრედიტებული უმაღლესი საგანმანათლებლო დაწესებულების „ქართულ ენაში მომზადების საგანმანათლებლო პროგრამა“ გაიარეს და მაღალ დონეზე ფლობენ სახელმწიფო ენას.

კონკურსში შერჩეული კანდიდატები 2015-2016 სასწავლო წლის განმავლობაში ეთნიკური უმცირესობებით კომპაქტურად დასახლებულ რეგიონების, კერძოდ, სამცხე-ჯავახეთის, ქვემო ქართლსა და კახეთის არაქართულენოვან საჯარო სკოლებში დასაქმდებიან.

დამხმარე მასწავლებლების ფუნქცია-მოვალეობა იქნება არაქართულენოვანი სკოლის ადგილობრივ მასწავლებელთან ერთად გაკვეთილის დაგეგმვა და ჩატარება; ადგილობრივი მასწავლებლების დახმარება ენისა და საგნის ინტეგრირებული გაკვეთილის ჩატარებაში; ამავე პროგრამის კონსულტანტ-მასწავლებლის მიერ შეთავაზებულ მეთოდურ კურსში მონაწილეობა; არაფორმალური სწავლების ხელშეწყობა და ცენტრის მიერ დაგეგმილ სხვადასხვა ღონისძიებებში მონაწილეობა.

დაინტერესებული პირებს ვაკანსიის შესახებ ინფორმაციის მიღება HR.GOV.GE-სა და TPDC.GE-ზე შეუძლიათ.