„პროფესიული განათლების მასწავლებელთა განვითარების“ სახელმწიფო პროგრამის ფარგლებში მასწავლებელთა პროფესიული განვითარების ეროვნულ ცენტრში ფოკუს ჯგუფის შეხვედრა გაიმართა, სადაც ევროკავშირის პროექტის წარმომადგენლებმა და მასწავლებელთა პროფესიული განვითარების ეროვნული ცენტრის თანამშრომლებმა ერთობლივად მოახდინეს პროფესიული განათლების სისტემური შეფასება.

ევროკავშირის დასაქმებისა და პროფესიული განათლების რეფორმების ტექნიკური დახმარების პროექტის ფარგლებში, ხორციელდება პროფესიული განათლების სისტემის ინსტიტუციური შეფასება ევროპის განათლების ფონდის მეთოდოლოგიის მიხედვით. აღნიშნული შეფასება ითვალისწინებს, როგორც ინსტიტუციური, ასევე ინდივიდუალური შესაძლებლობების ანალიზს პროფესიული განათლების რეფორმის სტრატეგიის და სამოქმედო გეგმის განხორციელების პროცესში.

ფოკუს ჯგუფებში მუშაობა და ინტერვიუები გაგრძელდება, სადაც დაინტერესებული მხარეები ერთობლივად შეაჯამებენ ინსტიტუციური შეფასების მთავარ მიგნებებს და შეიმუშავებენ რეკომენდაციებს ინსტიტუციური მოწყობისა და ინდივიდუალური შესაძლებლობების გაძლიერებასთან დაკავშირებით.

ევროკავშირის პროექტის ფარგლებში ჩატარებული ეს ღონისძიება ხელს შეუწყობს „პროფესიული განათლების მასწავლებელთა განვითარების პროგრამას“ შეფასდეს, დაიგემოს და განხორცილდეს პროგრამა თანამედროვე ევროპული სტანდარტების გათვალისწინებით.