მასწავლებელთა პროფესიული განვითარების ეროვნული ცენტრის პროგრამის „ასწავლე და ისწავლე საქართველოსთან ერთად“ ფარგლებში, თანამშრომლობითი სწავლების დანერგვა-განვითარების მიზნით, ინგლისურენოვან მოხალისეთა და ადგილობრივი ინგლისური ენის მასწავლებლების ტრენინგი გაიმართა.
ტრენინგის მონაწილეებმა თანამშრომლობითი სწავლების მეთოდები და კლასის მართვის სტრატეგიები განიხილეს, ასევე ინფორმაცია მიიღეს ისეთ მნიშვნელოვან საკითხებზე, როგორიცაა მასწავლებლებს შორის როლების გადანაწილება გაკვეთილის დაგეგმვისა და უშუალო განხორციელების პროცესში, ასევე კლასის მართვისას წამოჭრილი პრობლემური სიტუაციებისა და კონფლიქტების მართვა.
2-დღიან ტრენინგს მასწავლებელთა პროფესიული განვითარების ეროვნული ცენტრის წარმომადგენლები და 100-მდე მონაწილე დაესწრო.
|
27 აპრილი , 2015
