მასწავლებლის სახლში საქართველოს მთავრობისა და ევროკომისიის ერთობლივი პროექტის „eTwinningPlus“-ის ფარგლებში პედაგოგების კონფერენცია გაიმართა. ღონისძიება მასწავლებელთა პროფესიული განვითარების ეროვნული ცენტრის დირექტორმა გია მამულაშვილმა გახსნა.

კონფერენციას თბილისიდან და საქართველოს რეგიონებიდან მოწვეული 100-მდე პედაგოგი დაესწრო. მასწავლებლებმა მოხსენებები სხვადასხვა მნიშვნელოვან საკითზე წაიკითხეს, მათ შორის:

• საგანმანათლებლო პროექტების მართვა;
• მშობელთა ჩართულობა საგანმანათლებლო პროექტების განხორციელებაში;
• პროექტების შეფასება;
• ტექნოლოგიების გამოყენება სასწავლო პროცესში და სხვ.

პროექტი „eTwinningPlus“-ის ფარგლებში მსოფლიოს სხვადასხვა ქვეყნების პედაგოგები და ზოგადსაგანმანათლებლო დაწესებულებების სხვა წარმომადგენლები საერთო პორტალის მეშვეობით ქმნიან ერთობლივ საგანმანათლებლო პროექტებს და უზიარებენ ერთმანეთს გამოცდილებას.

ამ ეტაპზე „eTwinningPlus“-ის ფარგლებში პორტალზე საქართველოს მასშტაბით 560 პედაგოგია დარეგისტრირებული. პროექტი ასევე ითვალისწინებს პედაგოგების ტრენინგებს და საზღვარგარეთ სტაჟირებას.