მასწავლებელთა პროფესიული განვითარების ეროვნულ ცენტრში წლის საუკეთესო ტრენერები დააჯილდოვეს. ცენტრის დირექტორმა გია მამულაშვილმა თითოეულ მათგანს საჩუქრად საქართველოს ისტორიის ოთხტომეული, ბლოკნოტები, კალმები და მეხსირების ბარათები გადასცა.

მასწავლებელთა პროფესიული განვითარების ეროვნულმა ცენტრმა ტრენერები 3 ძირითადიკრიტერიუმის მიხედვით შეარჩია:

· მასწავლებლებისა და მონიტორინგის ჯგუფის შეფასებები;

· ტრენერების მიერ ჩატარებულ ტრენინგებზე არსებული მოთხოვნა;

· ტრენერების ორგანიზებულობა.

შერჩეულ ტრენერებს შორის არიან პროფესიული უნარების, მათემატიკის, ფიზიკის, ქართული ენისა და ლიტერატურის, ფრანგული ენისა და ლიტერატურის, ისტორიის, გეოგრაფიის, ბიოლოგიის, ხელოვნების, გერმანული ენისა და ლიტერატურის, მუსიკის, სპორტის, საინფორმაციო ტექნოლოგიების დაქიმიის პედაგოგები.

მასწავლებელთა პროფესიული განვითარების ეროვნული ცენტრი ტრენინგებს, როგორც პროფესიულ უნარებში ისე საგნობრივ ნაწილში ყოველდღიურად საქართველოს მასშტაბით ყველა მასწავლებელს უტარდებს.