მასწავლებელთა პროფესიული განვითარების ეროვნულმა ცენტრმა კვალიფიკაციის ასამაღლებლად ბირთვული კვლევების ევროპულ ორგანიზაციაში CERN-ში თბილისისა და საქართველოს რეგიონის სკოლებიდან ფიზიკის 19 მასწავლებლები გაუშვა.

ერთი კვირის განმავლობაში ფიზიკის მასწავლებლები CERN-ის საგანმანათლებლო ცენტრში გია დვალის და სხვა ქართველი, ასევე ადგილობრივი სპეციალისტების ლექციებს მოისმენენ. გარდა ამისა ისინი სწავლების პრაქტიკულ კურსსაც გაივლიან. პედაგოგების ჯგუფი CERN-ში მიმდინარე ყველა მნიშვნელოვან ექსპერიმენტებსაც გაეცნობიან. პედაგოგებს საშუალება ექნებათ სხვადასხვა ცდები თავად ჩაატარონ.

მასწავლებელთა პროფესიული განვითარების ეროვნული ცენტრი ფიზიკისა და სხვადასხვა საგნების პედაგოგებს სტაჟირებაზე ყოველწლიურად აგზავნის.