ქართველი მასწავლებლები ბარსელონაში Mircosoft-ის განათლების მსოფლიო ფორუმზე გაემგზავრებიან. თბილისის, ხორნაბუჯისა და ხიდისთავის სკოლების პედაგოგებმა კონკურსში სახელწოდებით „Microsoft-ის ინოვაციური მასწავლებელი-ექსპერტი“ გაიმარჯვეს. თითოეულმა მათგანმა საკუთარ კლასში საინფორმაციო ტექნოლოგიების გამოყენებით განხორციელებული პროექტები წარმოადგინა. კონკურსის ფარგლებში მთელი მსოფლიოს მასშტაბით სულ 250 მასწავლებელი შეირჩა, მათ შორის არიან:

მარეხი ბასილიძე-თბილისის 157-ე საჯარო სკოლა

რუსუდან გონაშვილი- ხორნაბუჯის საჯარო სკოლა

თეა ნონიკაშვილი- ხიდისთავის საჯარო სკოლა

მასწავლებელთა პროფესიული განვითარების ეროვნულმა ცენტრმა გამარჯვებული მასწავლებლები  დააჯილდოვა. თითოეულ მათგანს საჩუქრად საქართველოს ისტორიის ოთხტომეული, მეხსიერების ბარათი და სხვა პრიზები გადაეცა. 

კიდევ ერთი პედაგოგი, ქუთაისის 33-ე საჯარო სკოლის მასწავლებელი მარინა ისკაკოვა, შეირჩა ტექნოლოგიების გამოყენების გამორჩეული პრაქტიკისთვის. მას კომპანია Intel-ი გადასცემს Windows 8 ტრანსფორმერ-ტაბლეტს. 

მასწავლებლებისთვის ანალოგიური კონკურსი უკვე მეხუთე წელია ცხადდება. მისი ორგანიზატორები არიან საქართველოს განათლებისა და მეცნიერების სამინისტრო, მასწავლებელთა პროფესიული განვითარების ეროვნული ცენტრი,  Microsoft საქართველო,  Intel-ი და British Council-ი.

განათლების მსოფლიო ფორუმი, რომელიც ორგანიზებულია „Microsoft“-ის მიერ და მხარდამჭერია ბრიტანეთის საბჭო 2014 წლის მარტში ესპანეთში, ქალაქ ბარსელონაში გაიმართება. ღონისძიებაზე პედაგოგები თანამედროვე ტექნოლოგიების გამოყენებით შექმნილ სასწავლო პროექტებზე ერთმანეთს გამოცდილებას გაუზიარებენ, ასევე:

• გამოვლინდებიან გამარჯვებული მასწავლებლები; 
• დასახელდება წლის ყველაზე ინოვაციური მასწავლელელი;
• განათლების ექსპერტები ჩაატარებენ ლექციებს;
• გაეცნობიან უახლეს ტექნოლოგიებს;
• ჩაერთვებიან ინტერაქტიულ სამუშაო სესიებში და მოისმენენ ექსპერტების მოხსენებებს- TeachMeets.

ყველა მონაწილე რომელმაც წარმოადგინა ნამუშევარი კონკურსში  „Microsoft“-ის ინოვაციური მასწავლებელი-ექსპერტი“  მიიღებენ სპეციალურ სერტიფიკატებს და ასევე მათ წვდომა ექნებათ  Microsoft-ის რესურსებზე.