მასწავლებელთა პროფესიული განვითარების ეროვნულმა ცენტრმა PH international-ის მიერ ჩატარებულ ბლოგერების კონკურსში გამარჯვებული მოსწავლე დააჯილდოვა. კონკურსი  სამოქალაქო განათლებისა და პედაგოგთა გადამზადების პროგრამის ფარგლებში ჩატარდა და ის შვიდი სხვადასხვა ნომინაციისგან შედგებოდა:

• ახალგაზრდა მოხალისე;
• ახალგაზრდა ომბუდსმენი;
• ბუნების დამცველი;
• მოქალაქე ჟურნალისტი;
• ჯანსაღი ცხოვრების ადვოკატი;
• სასკოლო სამოქალაქო კლუბის ბლოგი;
• ახალგაზრდა განმანათლებელი;

მასწავლებელთა პროფესიული განვითარების ეროვნულმა ცენტრმა ამ უკანასკნელ ნომინაციაში გამოვლენილი საუკეთესო ბლოგის ავტორი დააჯილდოვა. ცენტრის წარმომადგენელმა ირაკლი კაკაბაძემ, რომელიც კონკურსის ჟიურის ერთ-ერთი წევრი იყო ახალგაზრდა განმანათლებელის ნომინაციაში გამარჯვებულ მედეა ჩუბინიძეს საქართველოს ისტორიის ოთხტომეული და სხვა ფასიანი საჩუქრები გადასცა.

კონკურსი 2013 წლის მაისში გამოცხადდა და მასში მთელი საქართველოს მასშტაბით 114-მა მე-9, მე-10, მე-11 და მე-12 კლასების მოსწავლემ მიიღო მონაწილეობა.