მასწავლებელთა შრომის ანაზღაურებისგაზრდის შემდეგ, 2013 წლის სექტემბრიდან, ეტაპობრივად ყველა საჯარო სკოლის დირექციას, ადმინისტრაციულ-ტექნიკურ პერსონალს ხელფასი გაეზრდება. შესაბამისი პრეზენტაცია საქართველოს განათლებისა და მეცნიერების მინისტრმა გიორგი მარგველაშვილმა და მინისტრის პირველმა მოადგილემ თამარ სანიკიძემ დღეს, მასწავლებლის სახლში შეკრებილ თბილისის საჯარო სკოლების დირექტორებს წარუდგინეს.

• საჯარო სკოლის დირექტორის საშუალო ხელფასი, რომელიც 460 ლარს (მინიმუმ 300 ლარი, მაქსიმუმ 1800 ლარი) შეადგენს,სექტემბრიდან გაიზრდება და 600 ლარს (მინიმუმ 400 და მაქსიმუმ 1800 ლარი) მიაღწევს;
• საჯარო სკოლის დირექტორის მოადგილის საშუალო ხელფასი 335 ლარია (მინიმუმ 60 ლარი, მაქსიმუმ 1300 ლარი),სექტემბრიდან კი, 400 ლარი (მინიმუმ 330 და მაქსიმუმ 1100 ლარი) გახდება;
• საჯარო სკოლის ბუღალტრის საშუალო ხელფასი 235 ლარია (მინიმუმ 60 ლარი, მაქსიმუმ 1300 ლარი),სექტემბრიდან გაიზრდება და მიაღწევს 320 ლარს (მინიმუმ 220 და მაქსიმუმ 1000ლარი);
• საჯარო სკოლის მატერიალურ-ტექნიკური უზრუნველყოფის კოორდინატორის საშუალო ხელფასი 230 ლარს (მინიმუმ 40 ლარი, მაქსიმუმ 1100 ლარი) შეადგენს,სექტემბრიდან 300 ლარს (მინიმუმ 220 და მაქსიმუმ700ლარი) მიაღწევს;
• საჯარო სკოლის დამლაგებლის საშუალო ხელფასი 115 ლარია (მინიმუმ 25 და მაქსიმუმ 420 ლარი),სექტემბრიდან გაიზრდება და 210 ლარს მიაღწევს (მინიმუმ 150 და მაქსიმუმ 350 ლარი) და ა.შ.
• სკოლებში გაიზრდება მინიმალური თანამდებობრივი სარგო, რომელიც არ იქნება საარსებო მინიმუმზე ნაკლები და ამ ეტაპზე 150 ლარს მიაღწევს.