ფიზიკის მასწავლებლები კვალიფიკაციის ასამაღლებლად ბირთვული კვლევების ევროპული ორგანიზაციაში, CERN-ში გაემგზავრნენ. მასწავლებელთა პროფესიული განვითარების ეროვნულმა ცენტრმა პედაგოგების ჯგუფი შვეიცარიაში წელს უკვე მეორედ გაუშვა.

ერთი კვირის განმავლობაში ფიზიკის მასწავლებლები CERN-ის საგანმანათლებლო ცენტრში ქართველი და უცხოელი სპეციალისტების ლექციებს მოისმენენ. გარდა ამისა ისინი სწავლების პრაქტიკულ კურსსაც გაივლიან. პედაგოგების ჯგუფი CERN-ში მიმდინარე ყველა მნიშვნელოვან ექსპერიმენტსაც გაეცნობა. CERN-ში მასწავლებლები თბილისისა და საქართველოს თითქმის ყველა რეგიონის სკოლებიდან გაუშვეს. მათი შერჩევა სერტიფიცირების ქულბის მიხედვით მოხდა. ჯგუფში 13 პედაგოგია დათითოეულ მათგანს უმაღლესი ქულა აქვს მიღებული.