საქართველოს განათლებისა და მეცნიერების სამინისტროს სსიპ მასწავლებელთა პროფესიული განვითარების ეროვნული ცენტრი მენტორ მასწავლებლების შესარჩევ კონკურსს იწყებს.

კონკურსში მონაწილეობის მიღება შეუძლიათ ქართული ენისა და ლიტერატურის, მათემატიკის, გეოგრაფიის, ფიზიკის, ქიმიის, ბიოლოგიის, ისტორიის, ინგლისური ენის, გერმანული ენის, ფრანგული ენის, რუსული ენის, დაწყებითი საფეხურისა და სამოქალაქო განათლების სერტიფიცირებულ პედაგოგებს, რომლებსაც გააჩნიათ პედაგოგად მუშაობის არანაკლებ სამწლიანი გამოცდილება და საჯარო ან კერძო ზოგადსაგანმანათლებლო დაწესებულებებში ასწავლიან.

წელს იმ ქალაქებს, სადაც 2011 წლიდან ხორციელდებოდა მაძიებლობის სახელმწიფო პროგრამა, დაემატა კიდევ სამი ქალაქი და რაიონული ცენტრი - მცხეთა, ამბროლაური და დუშეთი. ამრიგად, 2012-2013 სასწავლო წელს, მასწავლებლობის მაძიებლობის სახელმწიფო პროგრამა განხორციელდება ცამეტ ქალაქში - თბილისის, გორის, თელავის, ახალციხის, ქუთაისის, ოზურგეთის, ზუგდიდის, ფოთის, ბათუმის, რუსთავის, მცხეთის, ამბროლაურისა და დუშეთის საჯარო და კერძო სკოლებში.