მასწავლებელთა პროფესიული განვითარების ეროვნული ცენტრის ორგანიზებით 25 მარტს, 15:00 საათზე გორის სულხან ცინცაძის სახ. სამუსიკო საზოგადოებრივი კოლეჯის საკონცერტო დარბაზში გაიმართება მასტერკლასი მუსიკის მასწავლებლებისთვის.

მასტერკლასს კოლეჯის სამუსიკო სემინარიასთან არსებულ ბავშვთა გუნდთან წარმართავს მისი ხელმძღვანელი, დირიჟორი ნინო წიკლაური.

მასტერკლასის მიზანია, ხელი შეუწყოს მუსიკის მასწავლებლებს ბავშვთა და ახალგაზრდული საგუნდო კოლექტივების II რესპუბლიკური კონკურსისთვის მზადების პროცესს. საქართველოს ბავშვთა და ახალგაზრდული საგუნდო კოლექტივების ეროვნული კონკურსიწელს მეორედტარდება. კონკურსის მიზანია აკადემიური საგუნდო სიმღერის პოპულარიზაცია, ეროვნული სასიმღერო ტრადიციების დაცვა,ბავშვთა და ახალგაზრდული საგუნდო კოლექტივების მხარდაჭერა და განვითარება, ქართველ კომპოზიტორთა შემოქმედების პოპულარიზაცია და საგუნდო შემსრულებლობაში ახალი სახელების აღმოჩენა (კონკურსის პირობები).

მისამართი: ქ. გორი, სამეფოს ქ. # 17.

რეგისტრაციისთვის მიჰყევით ბმულს