მასწავლებელთა პროფესიული განვითარების ეროვნული ცენტრი მასწავლებლებს საგანმანათლებლო ტექნოლოგიების კონფერენციაში მონაწილეობის მისაღებად რეგისტრაციის გავლას სთავაზობს. რეგისტრაცია 1 დეკემბერს, დილის 11 საათზე დაიწყება.

კონფერენცია 16-17 დეკემბერს, თბილისში, სასტუმროში „ჰოთელს & პრეფერენს ჰუალინგ თბილისი“ ჩატარდება.

კონფერენციაში მონაწილეობის მსურველებმა რეგისტრაცია უნდა გაიარონ ვებგვერდზე www.getc.ge კონფერენციის მონაწილედ დარეგისტრირება ფასიანია და გადასახადი 20 ლარს შეადგენს. კონფერენციაზე მონაწილეობა სულ 250 ადამიანს შეუძლია. ლიმიტის ამოწურვის შემდეგ მონაწილე სისტემაში დარეგისტრირებას ვეღარ შეძლებს.

კონფერენცია მიზნად ისახავს ტექნოლოგიების სფეროში მიმდინარე თანამედროვე ტენდენციების შესახებ დაინტერესებული მხარეების ინფორმირებას, ტექნოლოგიების სასწავლო პროცესში გამოყენების საუკეთესო პრაქტიკისა და გამოცდილების გაცნობასა და გაზიარებას.