საქართველოს ფიზიკური აღზრდისა და სპორტის სახელმწიფო უნივერსიტეტში იწყება სპორტის მასწავლებელთა გადამზადების ტრენინგი, რომელიც წარმოადგენს საქართველოს განათლებისა და მეცნიერების სამინისტროს, მასწავლებელთა პროფესიული განვითარების ეროვნულ ცენტრისა და სსიპ - ფიზიკური აღზრდისა და სპორტის სახელმწიფო სასწავლო უნივერსიტეტის ერთობლივ პროექტს. 

პროექტის განხორციელება დაიწყება მიმდინარე წლის 3 ნოემბრს და დასრულდება 25 დეკემბერს. პირველ ეტაპზე დაგეგმილია თბილისის, შიდა ქართლისა და მცხეთა-მთიანეთის სკოლების პედაგოგების გადამზადება. 

ტრენინგ - მოდულის წარმატებით გავლის შემთხვევაში პედაგოგებს მიენიჭებათ ორი კრედიტ-ქულა. 

რეგისტრაციის ვადები: თბილისი, გორი, ქარელი, კასპი - 26 ოქტომბრიდან -23 ნოემბრის ჩათვლით მცხეთა-მთიანეთი - 26 ოქტომბრიდან - 7 ნოემბრის ჩათვლით დუშეთი, ყაზბეგი - 26 ოქტომბრიდან -17 ნოემბრის ჩათვლით