საქართველოს საჯარო სკოლებში ფრანგული ენის პოპულარიზაციისა და სწავლების ხელშეწყობის მიზნით, მასწავლებელთა პროფესიული განვითარების ეროვნულ ცენტრსა და საქართველოს ფრანგულ ინსტიტუტს შორის გაფორმებული მემორანდუმის ფარგლებში იგეგმება შეხვედრები საჯარო სკოლების დირექტორებთან.

მიმდინარე წლის 15 მაისს 14:30-ზეთბილისის მასწავლებლის სახლში გაიმართება პირველი საინფორმაციო შეხვედრა იმ საჯარო სკოლების დირექტორებითან, რომლებშიც ფრანგული ენა ისწავლება. შეხვედრას ასევე დაესრებიან დირექტორები, რომლებიც დაინტერესებულნი არიან საკუთარ სკოლებში აღნიშნული ენის სწავლების შემოღებით. ღონისძიების მსვლელობისას ფრანგული მხარე წარმოადგენს დაწვრილებით ინფორმაციას საქართველოში საკუთარი საქმიანობის შესახებ, ისაუბრებს ფრანგული ენის შესწავლის მნიშვნელობაზე, ფრანგული ენის ცოდნის დამადასტურებელი საერთაშორისო დიპლომების (DELF, DALF) საქართველოში აღების შესაძლებლობაზე, საფრანგეთის სამთავრობო სტიპენდიებზე, რომლებიც ყოველწლიურად გაიცემა საქართველოს მოქალაქეებზე, ასევე, იმ პერსპექტივებზე, რომლებსაც იძლევა ამ ენის ცოდნა საზღვარგარეთ სწავლის გაგრძელების თვალსაზრისით.