სსიპ „ საინფორმაციო ცენტრი ნატოსა და ევროკავშირის შესახებ“ მასწავლებელთა პროფესიული განვითარების ეროვნულ ცენტრთან თანამშრომლობით უკვე მეოთხე წელია ახორციელებს პროექტს: „მასწავლებელი - მეგზური ევროპისკენ“. პროექტი მოიცავს ორდღიან სემინარსა და პროექტების კონკურსს.

სემინარი 2017 წლის 8-9 მაისს, თბილისში, მასწავლებელთა პროფესიული განვითარების ეროვნულ ცენტრში  გაიმართება.

ორი დღის განმავლობაში პედაგოგები შეხვდებიან სამთავრობო და არასამთავრობო სექტორის წარმომადგენლებს, საერთაშორისო ურთიერთობებისა და განათლების ექსპერტებს.

სემინარის მუშაობაში მონაწილეობის მიღება შეუძლიათ საქართველოს ყველა საჯარო, თუ კერძო სკოლის ქართული ენისა და ლიტერატურის, გეოგრაფიის, ისტორიისა და სამოქალაქო განათლების პედაგოგს.

რეგიონიდან ჩამოსული პედაგოგებისთვის უზრუნველყოფილი იქნება სასტუმროში განთავსება, სამჯერადი კვება, თბილისში შიდა ტრანსპორტირება.

განაცხადები მიიღება 2017 წლის 1 მაისის ჩათვლით.

ადგილები შეზღუდულია. სემინარის მონაწილე პედაგოგები შეირჩევიან წარმოდგენილი სამოტივაციო წერილების საფუძველზე. გათვალისწინებული იქნება რეგიონული პრინციპი.

მონაწილეობის მსურველმა მასწავლებლებმა უნდა გაიარონ წინასწარი რეგისტრაცია მითითებულ ბმულზე:  

https://docs.google.com/forms/d/e/1FAIpQLSeGn24OpPJjK5C9PVc8dKKk8qG-Y0thIapPa4XwUqJkbCcJ9g/viewform

პროექტის შესახებ დამატებითი ინფორმაციისთვის გაეცანით ბმულს:

http://infocenter.gov.ge/396-mastsavlebeli-megzuri-evropisken.html