მასწავლებელთა პროფესიული განვითარების ეროვნულ ცენტრში მიმდინარე წლის 17 მარტს, 16:00 საათზე გაიმართება მასტერკლასი მუსიკის მასწავლებლებისთვის.

მასტერკლასი მიზნად ისახავს ბავშვთა და ახალგაზრდული საგუნდო კოლექტივების III რესპუბლიკური კონკურსისათვის მასწავლებლების ინფორმირებას და მათი შემოქმედებითი პოტენციალის გამოვლენას.

კონკურსის მიზანია აკადემიური საგუნდო სიმღერის პოპულარიზაცია, ეროვნული სასიმღერო ტრადიციების დაცვა, ბავშვთა და ახალგაზრდული საგუნდო კოლექტივების მხარდაჭერა და განვითარება, ქართველ კომპოზიტორთა შემოქმედების პოპულარიზაცია და საგუნდო შემსრულებლობაში ახალი სახელების აღმოჩენა.

ბავშვთა და ახალგაზრდული საგუნდო კოლექტივების III რესპუბლიკური კონკურსში მონაწილეობისათვის მუსიკის მასწავლებლებს მიენიჭებათ 0,5 კრედიტქულა.