2017 წლის 27 იანვარს, 16:00 საათზე, მასწავლებლის სახლში, გარემოსა და ბუნებრივი რესურსების დაცვის სამინისტრო, სსიპ მასწავლებელთა პროფესიული განვითარების ეროვნულ ცენტრთან თანამშრომლობით, გეოგრაფიისა და ბიოლოგიის მასწავლებლებთან საინფორმაციო შეხვედრას გამართავს.

შეხვედრის მონაწილე პედაგოგებს შესაძლებლობა ექნებათ, გაეცნონ გარემოსდაცვითი განათლების სფეროში მიმდინარე სიახლეებს და სსიპ გარემოსდაცვითი ინფორმაციისა და განათლების ცენტრის მიმდინარე საგანმანათლებლო პროექტებს, რის შემდეგაც თანამშრომლობის ფარგლებში შესაძლებელი იქნება ერთობლივი აქტივობების დაგეგმვა და განხორციელება.

შეხვედრაში მონაწილეობისთვის, რეგისტრაციის გავლა შეუძლიათ შემდეგ ლინკზე: http://tpdc.ge/maswavlebeli1/