მასწავლებელთა პროფესიული განვითარების ეროვნული ცენტრი სამოქალაქო განათლების მასწავლებლებისთვის ტრენინგზე რეგისტრაციას აცხადებს.

ტრენინგზე სამოქალაქო განათლების მასწავლებლებს საშუალება ექნებათ გაეცნონ ბულინგისა და ძალადობის გამომწვევ მიზეზებსა და სახეებს; ოჯახში ძალადობის სახეებს; სტიგმასა და სტერეოტიპული აზროვნების გავლენას ძალადობასა და ბულინგზე; ეფექტური კომუნიკაციის, კონფლიქტის მოგვარების გზების ცოდნის მნიშვნელობას ბულინგის პრევენციისთვის. ტოლერანტობის კულტურის მნიშვნელობას; როგორ ავირიდოთ ძალადობა და ბულინგი სკოლაში; რამდენად მნიშვნელოვანია სოციალური და ემოციური კომპეტენციების განვითარების ხელშეწყობა მოსწავლეებში ბულინგისა და ძალადობის თავიდან ასაცილებლად; გაეცნობიან ალბერტ ბანდურას სოციალურ - კოგნიტური თეორიის ზოგად პრინციპებს.

ტრენინგი მოიცავს 24 საკონტაქტო და 13 არასაკონტაქტო საათს.

მოდულის წარმატებით დასრულების შემთხვევაში ტრენინგის მონაწილე მიიღებს 1.5 კრედიტს.

რეგისტრაცია იწარმოებს ამა წლის 3 ნოემბრიდან 10 ნოემბრის ჩათვლით.