მასწავლებელთა პროფესიული განვითარების ეროვნულმა ცენტრმა საინფორმაციო სემინარები პროექტში „ყველაზე მაშტაბური გაკვეთილი“ დარეგისტრირებული მასწავლებლებისთვის გამართა. შეხვედრები თბილისში, ბათუმსა და ქუთაისში ჩატარდა, რომელსაც გეოგრაფიის და ინგლისური ენის მასწავლებლები ესწრებოდნენ.

პროექტი გულისხმობს მოსწავლეებისთვის გაეროს ბავშვთა ფონდის მიერ შემუშავებული “მდგრადი განვითარების გლობალური მიზნების“ გაცნობას. ვინაიდან საერთაშორისო პროგრამა ინგლისურ ენაზეა, გაკვეთილს ინგლისური ენისა და გეოგრაფიის მასწავლებლები წყვილში ატარებენ, შესაბამისად, პროექტში მონაწილეობა აღნიშნული საგნის საჯარო და კერძო სკოლის მასწავლებლებმა მიიღეს.

გაკვეთილი მიმდინარე წლის სექტემბერში მსოფლიოს სხვადასხვა სკოლებში ერთდროულად ჩატარდება.

რეგისტრაცია მასწავლებელთა პროფესიული განვითარების ეროვნულმა ცენტრამა სექტემბრის თვეში გამოაცხადა, რომელში მონაწილეობის სურვილიც 60-ზე მეტმა სკოლამ გამოთქვა.

აღსანიშნავია, რომ აღნიშნული პროექტი საქართველოში მეორედ ხორციელდება. გასულ წელს „მსოფლიოს ყველაზე მასშტაბური გაკვეთილი“ საქართველოს 30-მდე საჯარო და კერძო სკოლაში ჩატარდა.