2013 წლიდან პროგრამა „პესტალოცის“ სამდივნოს გადაწყვეტილებით გარკვეული ცვლილებები შევიდა პროგრამის აქტივობების ფორმატში. 2012 წლის ჩათვლით პროგრამა პროგრამა პესტალოცი სამ სხვადასხვა ტიპის ღონისძიებას ახორციელებდა (ევროპული სამუშაო შეხვედრები, ევროპული სემინარები, ევროპული ტრენინგ მოდულები). 2013 წლიდან პროგრამის ფარგლებში განხორციელდება შემდეგი ტიპის აქტივობები:

1) ევროპული სამუშაო შეხვედრები (European Workshops) - აღნიშნულ შეხვედრებს გეგმავს ევროსაბჭოს წევრი ქვეყანა, რომელშიც იმართება კონკრეტული ღონისძიება. აღნიშნულ შეხვედრებში მონაწილეობას იღებს ევროპის სხვადასხვა ქვეყნის 10-20 მონაწილე. სამუშაო შეხვედრების საშუალო ხანგრძლივობაა 2-4 დღე. სამუშაო შეხვედრების ნუსხა განისაზღვრება ევროსაბჭოს მიერ ყოველი წლის დასაწყისში და შეგიძლიათ იხილოთ მასწავლებელთა პროფესიული განვითარების ეროვნული ცენტრის ვებგვერდზე ან პროგრამა პესტალოცის ვებგვერდზე. შესაძლებელია, ევროსაბჭოს ინიციატივით სამუშაო შეხვედრების ნუსხაში წლის განმავლობაში შევიდეს გარკვეული ცვლილებები.

2) ევროპული ტრენინგ მოდულები (European Modules of Trainer Training) - აღნიშნულ ტრენინგ მოდულებში მონაწილეობს მიღება შეუძლიათ მხოლოდ მასწავლებელთა ტრენერებს, რომლებიც მოღვაწეობენ საგანმანათლებლო სფეროში, რეგულარულად ატარებენ ტრენინგებს და გეგმავენ, მომავალში შეიმუშავონ და დანერგონ ტრენინგ მოდულები ევროსაბჭოსათვის პრიორიტეტულ მიმართულებებით, კერძოდ: დემოკრატია, ადამიანთა უფლებებს სწავლება და კანონის უზენაესობა. ტრენინგი ორ ნაწილად ხორციელდება. A მოდულის ფარგლებში მონაწილეების გეგმავენ კონკრეტულ ტრენინგ-მუდულს, ერთი წლის განმავლობაში ატარებენ ტრენინგს აღნიშნული მოდულის მიხედვით და B მოდულის განმავლობაში აფასებენ განხორციელებულ სამუშაოს.

ევროპული ტრენინგ მოდული მოიცავს 5 ფაზას: დაგეგმვა და მომზადება (6-8 თვე), A მოდულის შეხვედრაზე დასწრება (3-4 დღე), საკუთარი ტრენინგ-მოდულის შექმნა დ ა პილოტირება (6-8 თვე, ონლაინ რეჟიმში ევროპელ კოლეგებთან თანამშრომლობა), B მოდულის შეხვედრაზე დასწრება (3-4 დღე), ტრენინგ მოდულის განახლება და რედაქტირება (2-3 თვე). პროგრამის ბოლოს თითოეულმა მონაწილემ უნდა გააკეთოს მის მიერ შემუშავებული და ჩატარებული ტრენინგ მოდულის პრეზენტაცია. უშუალოდ ტრენინგში მონაწილეობის გარდა მონაწილე ტრენერი ვალდებულია ითანამშრომლოს ევროპელ კოლეგებთან 12 – 18 თვის განმავლობაში.

3) პროგრამა პესტალოცის საზაფხულო სკოლა (Pestalozzi Programme Summer School) - ორგანიზებულია ბად ვილდბადის აკადემიის მიერ, რომელიც წარმოადგენს გერმანიაში მასწავლებელთა პროფესიული განვითარების ცენტრს. ბად ვილდბადის აკადემიის მიერ ორგანიზებული საზაფხულო ინტენსიური სურსის საერთო ხანგრძლივობა არის 8 დღე.

4) ეროვნული სემინარები (National Dissemination and training events) - აღნიშნული სემინარების ხანგრძლივობა 1-3 დღემდეა და მისი მიზანია, პესტალოზის პროგრამების შესახებ ინფორმაციის ეროვნულ დონეზე გავრცელება.