მასწავლებლის სახლში ახალი სასწავლო წლისთვის მზადება დაწყებულია. ყველა პირველი კლასის დამრიგებელი ე.წ.ბუკებით სწავლების ტრენინგებს გადის.

ნეთ ბუკების გამოყენებით სასწავლო პროცესის წარმართვაში მასწავლებლის სახლში ყოველდღიურად რამდენიმე პარალელური ჯგუფი ემზადება. მასწავლებლები ტრენინგებზე ყურადღებას სხვადასხვა საკითხებზე ამახვილებენ:

                      1. ბუკების ტექნიკური მახასიათებლები და კომპიუტერული უნარები;

                    2. ე.წ. e-learning-ის ფარგლებში შიდა ქსელში ფაილების გაცვლა, დავალებების მიცემა და მოსწავლეების კომპიუტერებში მათი გაკონტროლება;

                       3. ონლაინ რესურსების ჩართვა სასწავლო პროგრამაში;

                                                                                               4. ინტერნეტით ფოტო და ვიდეო ფაილების მოპოვება;

                                                                                               5. ბუკების გამოყენებით გაკვეთილის დაგეგმვა და ა.შ.

ტრენინგი ორეტაპიანია და მთლიანობაში 9 დღე გრძელდება. პირველი ეტაპი თბილისში ივლისის ბოლოს, რეგიონებში კი სექტემბრის დასაწყისში დასრულდება. ბუკების ტრენინგს მასწავლებლის სახლი მთელი საქართველოს მასშტაბით ატარებს და მასში ყველა სკოლის პირველი კლასის დამრიგებლებთან ერთად ქართულისა და მათემატიკის ის მასწავლებლებიც არიან ჩართულები, რომლებიც გაკვეთილებს პირველ კლასელებს  ჩაუტარებენ.