მასწავლებელთა პროფესიული განვითარების ეროვნული ცენტრი VII-XII კლასის ინგლისური ენის საჯარო და კერძო სკოლის მასწავლებლებისთვის სემინარზე რეგისტრაციას აცხადებს.

სემინარზე მასწავლებლები გაეცნობიან ბრიტანეთის საბჭოს სპეციალისტების მიერ შემუშავებულ დამხმარე სახელმძღვანელოებში თავმოყრილი სასწავლო რესურსების საკუთარ პრაქტიკაში გამოყენების გზებს. ასევე, პრაქტიკულად გამოცდიან, როგორ შეიძლება კონკრეტული შერჩეული ონლაინ-რესურსი გამოიყენონ ეროვნული სასწავლო გეგმით დასახული შედეგების მისაღწევად.

დამხმარე სახელმძღვანელოები ბრიტანეთის საბჭოს სპეციალისტების მიერ, მასწავლებელთა პროფესიული განვითარების ეროვნულ ცენტრთან გაფორმებული მემორანდუმის ფარგლებში ინგლისური ენის VII-IX და X-XII კლასის მასწავლებლებისთვის შეიქმნა.

ინგლისური ენის მასწავლებელთა ორივე დამხმარე სახელმძღვანელო ბრიტანეთის საბჭოს მასალებს ეყრდნობა და შექმნილია უცხოური ენის სწავლების პროცესის ეფექტიანად წარმართვის მიზნით.

სახელმძღვანელოები მომზადდა შემდეგ მასალებზე დაყრდნობით:

•    http://learnenglishteens.britishcouncil.org/
•    http://learnenglish.britishcouncil.org/en/?utm_source=LearnEnglish-Teens&utm_campaign=gpd-cross-sell&utm_medium=top-menu

სემინარი ჩატარდება 2017 წლის 15 სექტემბერს, 15:00 საათზე. 

სემინარის ხანგრძლივობა შეადგენს 3 საათს.

მისამართი: ქ. თბილისი, გმირ კურსანტთა N1.

სემინარს დაესწრება პირველი 30 დარეგისტრირებული მასწავლებელი.

რეგისტრაცია დასრულებულია.