გერმანული ენის მასწავლებელმა ნინო კურცხალიამ, რომელიც 2016 წლის სექტემბერის თვეში პროგრამის „პესტალოცი“ ფარგლებში იმყოფებოდა გერმანიის ქალაქ მაისენში, ვორკშოპზე ,,ენათა ევროპული პორტფოლიო“ თბილისის N52-ე საჯარო სკოლის მასწავლებლებოსთვის პრეზენტაცია გამართა. შეხვედრას გერმანული, ინგლისური და რუსული ენის მასწავლებლები ესწრებოდნენ.

მასწავლებლებს საშუალება ჰქონდათ გაცნობოდნენ ენის პორთფოლიოს, რომელიც წარმოადგენს ენობრივი კომპეტენციების თვითშეფასების კომპლექსურ ინსტრუმენტს, ეფუძნება ევროსაბჭოს მიერ შემუშავებულ ,,ენების საერთოევროპულ სარეკომენდაციო ჩარჩოს“ და სკოლაში უცხო ენის გაკვეთილზე მოსწავლეთა თვითშეფასების, დამოუკიდებელი სწავლის, მრავალენობრივი კომპეტენციის განვითარებისთვისაა განკუთვნილი.

სამუშაო შეხვედრაზე, ასევე, განხილული იქნება, თუ რა თანხვედრაში მოდის ,,ენათა ევროპული პორტფოლიო“ საქართველოს ეროვნულ სასწავლო გეგმასთან და როგორ შეიძლება მასწავლებელმა მისი მეშვეობით ხელი შეუწყოს საკუთარ პროფესიულ განვითარებას.