მასწავლებელთა პროფესიული განვითარების ეროვნულმა ცენტრმა სახელმწიფო და კერძო კოლეჯების მასწავლებლებისთვის სასტუმროს საქმის სპეციალისტის ტრენინგი ჩაატარა.

ტრენინგები საგანგებო დაწესებულებებში, კერძოდ სასტუმროებში „Tbilisi Marriott“, „Holiday Inn Tbilisi“, „Hotels & Preference,“ "Fund Hotel" და „Radisson Blu Iveria“ ჩატარდა.

პედაგოგებს საშუალება ჰქონდათ სპეციალისტის დასაქმების ადგილზე (საწარმოში) გაცნობოდნენ დარგში არსებულ სტანდარტებსა და სიახლეებს, შეედარებინათ კლასით მსგავსი და განსხვავებული სასტუმროების მუშაობის სპეციფიკა. მსგავსი ტრენინგები საუკეთესო საშუალებაა პროფესიული განათლების კონკრეტული დარგის პედაგოგებს შორის გამოცდილების გაზიარებისათვის. თითოეული პედაგოგის უკან დგას რამდენიმე ათეული სტუდენტი, რომელთა პროფესიონალ კადრად ჩამოყალიბება, დარგის განვითარების საქმეში შეტანილი მნიშვნელოვანი წვლილია.

ტრენინგის დასრულების შემდეგ, თითოეულ მონაწილე პედაგოგს, გადაეცემა ტრენინგში მონაწილეობის დამადასტურებელი ცნობა.