სასერტიფიკაციო გამოცდებისთვის მზადება გრძელდება. მასწავლებლის სახლის წარმოამდგენლებმა წეროვანში მცხოვრებ დევნილ პედაგოგებს პროფესიულ უნარებში ტრენინგი ჩაუტარეს. ღონისძიებას მასწავლებელთა პროფესიული განვითარების ეროვნული ცენტრის დირექტორი გია მამულაშვილიც დაესწრო. 

წეროვანის მესამე საჯარო სკოლაში მასწავლებლებმა  ოთხდღიანი გადამზადების კურსი გაიარეს. ტრენინგებზე ყურადღება გამახვილდა ისეთ საკითხებზე როგორიცაა: კომუნიკაციის პროცესი, მოსწავლეთა მოტივაციის გაზრდა, გაკვეთილის დაგეგმვის სხვადასხვა მეთოდები, შეფასების თანამედროვე სისტემები, კლასის მართვის პრინციპები და სხვა. ტრენინგების დასასრულს მასწავლებლებმა პრეზენტაციები მოაწყვეს და მიღებული ცოდნა შეაჯამეს. 

 

მასწავლებელთა პროფესიული განვითარების ცენტრი პედაგოგების გადამზადებას ყოველდღიურად ყველა საგანსა და პროფესიულ უნარებში ახორციელებს.