პროფესიული განათლების მასწავლებლის გზამკვლევზე მუშაობა გრძელდება. „პროფესიული განათლების მასწავლებელთა განვითარების“ სახელმწიფო პროგრამის ფარგლებში, კაჭრეთში სამდღიანი სამუშაო შეხვედრა გაიმართა, რომელშიც პროფესიული განათლების მასწავლებლები მონაწილეობდნენ.

პედაგოგიური გზამკვლევის შექმნის იდეა თავად მასწავლებლების ინიციატივაა. პროფესიული განათლების მასწალებლებს 2011 წლიდან უტარდებათ პროფესიული განვითარებს ტრენინგები პედაგოგიკასა და მეთოდიკაში, მაგრამ შესაბამისი სახელმძღვანელო ქართულ ენაზე აქამდე არ არსებობდა. პედაგოგიურ გზამკვლევში თავი მოიყარა როგორც სწავლების სტრატეგიებმა, ასევე მასში განხილულია ისეთი მნიშვნელოვანი საკითხები, როგორიცაა ზრდასრულთა განათლების პრინციპები, შეფასება მოდულურ სწავლებაში, სასწავლო და პრაქტიკული სწავლების დაგეგმვა და სასწავლო პროცესის წარმართვა პროფესიულ სასწავლებელსა და საწარმოში.

შეხვედრის მონაწილეებმა გზამკვლევის სამუშაო ვერსიის განხილვის შემდეგ საკუთარი მოსაზრებები გამოთქვეს, რაც საბოლოო დოკუმენტში აისახება.

პროფესიული განათლების მასწავლებლის პედაგოგიურ გზამკვლევზე მუშაობა UNDP - ის პროექტის მხარდაჭერით მიმდინარეობს.