მასწავლებელთა პროფესიული განვითარების ეროვნული ცენტრის პროფესიული განათლების მასწავლებელთა განვითარების პროგრამის ფარგლებში სტილისტის მასწავლებლებისთვის „ისი პარის“ სილამაზის ცენტრში ტრენინგები ჩატარდა. მასწავლებლებს საშუალება ჰქონდათ გაცნობოდნენ უახლოეს მეთოდებს და ტექნოლოგიებს სტილისტის პროფესიის მიმართულებით.

ტრენინგის დაგეგმვას წინ უძღოდა სტილისტის პროფესიული სტანდარტის საფუძველზე მასწავლებელთა საჭიროებების შესწავლა და ტრენინგის თემის შერჩევა.

მასწავლებელთა დარგობრივი ტრენინგები ფილამწყობის, ბუღალტრის, სამგანზომილებიანი გრაფიკოსის და თექის ოსტატის მიმართულებით გაგრძელდება.

პროფესიული განათლების მასწავლებელთა უწყვეტი პროფესიული განვითარებისათვის პროგრამა ახორციელებს სხვადასხსხვა ღონისძიებას როგორც პედაგოგიური უნარების, ასევე პროფესიული კომპეტენციების ამაღლების მიმართულებით. პროფესიული განათლების მასწავლებელთა ყველა გამოკითხვა აჩვენებს, რომ მათ ერთ-ერთ უმთავრეს აკადემიურ საჭიროებას წარმოადგენს პროფესიული განვითარების ტრენინგები დამსაქმებლებთან და საწარმოებში. არსებული პირობებისა და მოთხოვნების გათვალისწინებით, პროგრამა უშუალოდ პასუხობს პროფესიული სასწავლებლების მასწავლებელთა საჭიროებებს და მიმართულია მათი შესაძლებლობების განვითარების ხელშეწყობაზე.