მასწავლებელთა პროფესიული განვითარების ეროვნული ცენტრი საჯარო სკოლების ადმინისტრაციისთვის, ბიბლიოთეკარებისა და საქმისმწარმოებლებისთვის, ასევე საგანმანათლებლო რესურსცენტრების თანამშრომლებისთვის პროფესიული განვითარების ტრენინგებს იწყებს.
ტრენინგებზე რეგისტრაცია ზემოაღნიშნული პოზიციის მქონე პირებს ცენტრის ვებგვერდზე დღეიდან შეუძლიათ. მსურველებს შესაძლებლობა ექნებათ დარეგისტრირდნენ შესაბამისი მიმართულებით მითითებულ სხვადასხვა ქვემოდულებზე.
სკოლის დირექტორები ტრენინგების ფარგლებში ინკლუზიური განათლების პრინციპებს, ღირებულებებსა და მიდგომებს გაეცნობიან.
საქმისმწარმოებლებისთვის განკუთვნილი ტრენინგების ფარგლებში მსმენელებს შესაძლებლობა ექნებათ განიახლონ ცოდნა მოსწავლის რეგისტრაციის, პირადი საქმის წარმოებისა და სკოლის საქმისწარმოების პრინციპებსა და პრაქტიკაში, ასევე ელექტრონული კომუნიკაციისა და საჯარო ინფორმაციის გაცემის წესისა და პრაქტიკის მიმართულებით.
ტრენინგის მონაწილე ბიბლიოთეკარები და რესურსცენტრის თანამშრომლები სხვადასხვა ქვემოდულების ფარგლებში გაეცნობიან სასკოლო საზოგადოებასთან მუშაობის მეთოდიკას, საბიბილიოთეკო ღონისძიებებისა და პროექტების ორგანიზების საკითხებს.
ტრენინგები, საჯარო სკოლის დირექციისა და პერსონალისთვის, ასევე საგანმანთლებლო რესურცენტრის თანამშრომლებისთვის უფასოა, ხოლო სხვა დაინტერესებული პირებისთვის ფასიანი.
11 აგვისტო , 2015
