მასწავლებელთა პროფესიული განვითარების ეროვნულმა ცენტრმა თბილისის, გორისა და ქუთაისის მასშტაბით სპეციალური მასწავლებლებისთვის პროფესიული განვითარების შესავალი კურსი დაიწყო. 2 - თვიანი კურსის ფარგლებში 120 სპეციალური მასწავლებელი გადამზადდება.

კურსი 6 ურთიერთდაკავშირებული ტრენინგ-მოდულისგან შედგება და მოიცავს ბავშვის განვითარებისა და განვითარების დარღვევების, ასევე სპეციალური საგანმანათლებლო საჭიროების მქონე მოსწავლის პედაგოგიური შეფასების საკითხებს. სწავლების სტრატეგიებსა და სწავლების თეორიებს, საგაკვეთილო პროცესის დაგეგმვისა და მასალის ადაპტაციის მეთოდოლოგიას, ასევე ინდივიდუალურ სასწავლო გეგმას და რთული ქცევის მართვის საკითხს.

კურსის დასრულების შემდეგ მონაწილეებს ჩაუტარდებათ ტესტირება, ხოლო მიღებული შედეგების საფუძველზე ისინი მიიღებენ სერტიფიკატს. იმ შემთხვევაში, თუ მონაწილე ვერ დაძლევს ტესტის მინიმალურ ზღვარს, მიიღებს კურსის გავლის დამადასტურებელ ცნობას.

წლის ბოლომდე სწავლებას საქართველოს მასშტაბით თითქმის ყველა სპეციალური მასწავლებელი გაივლის.