მასწავლებელთა პროფესიული განვითარების ეროვნულმა ცენტრმა პროფესიული განათლების მასწავლებელთა პედაგოგიური კურსის შესაქმნელად მუშაობა დაიწყო. პროგრამის შემუშავებაში საერთაშორისო ექსპერტებთან ერთად ჩართულები არიან მოქმედი მასწავლებლები, რათა პედაგოგიური კურსი შესაბამისობაში იყოს, როგორც საერთაშორისო სტანდარებთან, ასევე მორგებული იყოს საქართველოში არსებული პროფესიული განათლების მასწავლებელთა საჭიროებებს. პროგრამის შინაარსი დაეყრდნობა პროფესიული განათლების მასწავლებლის სტანდარტს.
ძირითადი თემები შეეხება :
- სასწავლო-პრაქტიკული სწავლების დაგეგმვა;
- სწავლებაში ინტერაქტიული მეთოდების გამოყენება;
- პროფესიული განათლების სტუდენტების შეფასების ხერხები და მეთოდები;
- პროფესიული ეთიკა.
პროფესიული განათლების მასწავლებელთათვის არ არსებობდა პედაგოგიური კურსი, რომელიც უზრუნველყოფდა მასწავლებლებისათვის საჭირო მეთოდურ მხარდაჭერას და ასევე, მასწავლებლებს არც ევალებოდათ ამგვარი კურსის გავლა. პროფესიულ განათლებაში მასწავლებელთათვის მხოლოდ შესაბამისი პროფესიის დიპლომი ან პრაქტიკული გამოციდლება იყო საკმარისი. კურსის შემუშავების შემდგომ მოქმედ მასწავლებლებს და მასწავლებლობის მსურველებს საშუალება ექნებათ პროფესიის ცოდნის გარდა ასევე დახელოვდნენ როგორც მასწავლებლები.
პირველ სამუშაო შეხვედრას ესწრებოდნენ განათლების ხარისხის განვითარების ეროვნული ცენტრის ექსპერტები, სამინისტროს პროფესიული განათლების განვითარების დეპარტამენტის თანამშრომლები, საეთაშორისო ორგანიზაციაUNDPის წარმომადგენლები და ცენტრის ექსპერტები. სამუშაო შეხვედრაზე განხილული იქნა პედაგოგიური კურსის პროექტი და დაისახა სამომავლო შეხვედრების დრო და თემები.
|
10 მარტი , 2015
