მასწავლებელთა პროფესიული განვითარების ეროვნულმა ცენტრმა სპეციალური განათლების მასწავლებლის სტანდარტისადმი მიძღვნილი კონფერენცია გამართა. კონფერენციას სპეცილაური მასწავლებლები, ფსიქოლოგები, დირექტორები, საქართველოს განათლებისა და მეცნიერების სამინისტროს და მასწავლებელთა პროფესიული განვითარების ეროვნული ცენტრის წარმომადგენლები ესწრებოდნენ. 

კონფერენციის ფარგლებში მოხდა ისეთი საკითხების განხილვა, როგორიცაა:

· სპეციალური მასწავლებლის სტანდარტი;

· სპეციალური მასწავლებლის სქემაში ჩართვის გზები და შესაძლებლობები;

· საკანონმდებლო ცვლილებების პაკეტის მომზადება სპეციალური მასწავლებლის საქმინობასთან დაკავშირებით.

ასევე, სპეციალური მასწავლებლის სტანდარტის საფუძველზე შეიქმნება სპეცილაური მასწავლებლის მომზადების სამაგისტრო პროგრამა. სტანდარტის გადახედვა და ცალკეული პუნქტების დაკონკრეტება საჭიროა, რათა ის უფრო მოქნილი გახდეს, როგორც ახალი პროგრამების შესაქმენად, ასევე სპეციალური მასწავლბელის მომზადებისა და პროფესიული განვითარების ხელშესაწყობად.

საქართველოს განათლებისა და მეცნიერების სამინისტროს ერთერთ მნიშვნელოვან პრიორიტეტს - ინკლუზიური განათლების განვითარება წარმოადგენს. სპეციალური მასწავლებელი არის ის მთავარი ფიგურა, რომელიც ხელს უწყობს სსსმ მოსწავლის საგაკვეთილო და სასკოლო პროცესებში ინტეგრირებასა და მათ წარმატებას.