მასწავლებელთა პროფესიული განვითარების ეროვნული ცენტრის პროგრამის ,,ასწავლე საქართველოსთვის“ მონაწილე კონსულტანტ მასწავლებლების ორგანიზებით მესტიის მუნიციპალიტეტის მე-2 საჯარო სკოლაში გაიმართა შემეცნებით-სასწავლო პროექტი ,,ინტელექტი“ და რიგით მესამე, ზემო სვანეთის ჩემპიონატი ჭადრაკში, 6-დან 17 წლამდე გოგონათა და ჭაბუკთა შორის.
პროექტში მესტიის მუნიციპალიტეტის ათმა სკოლამ მიიღო მონაწილეობა. ჭადრაკის ჩემპიონატში გამოვლინდა 6 პირველი ადგილის მფლობელი მოსწავლე, რომლებიც დაჯილდოვდნენ ჭადრაკის დაფებით, ხოლო პროექტ ,,ინტელექტში“ 4 გამარჯვებული რომლებთაც გადაეცათ საბავშვო ენციკლობედიები და სიგელები.
პროექტის მიზანია მოსწავლეთა მოტივაციის ამაღლება სწავლის მიმართ, სწავლის ხარისხის გაზრდა სასკოლო საგნებში, მოსწავლეების დაახლოება, სხარტი აზროვნების განვითარება, მოსწავლეთა თვითშეფასების გაზრდა, მათი ცოდნის რეალიზება და თანამშრომლობითი უნარების განვითარება სკოლის მოსწავლეებსა და პედაგოგებს შორის.
პროექტები დაფინანსებულ იქნა მესტიის მუნიციპალიტეტის გამგეობის, კულტურის განათლების ძეგლთა დაცვის, სპორტისა და ახალგაზრდობის საქმეთა სამსახურის მიერ.
|
11 ივნისი , 2014
