განათლებისა და მეცნიერების მინისტრის მოადგილემ და მასწავლებელთა პროფესიული განვითარების ეროვნული ცენტრის დირექტორმა ქეშელოს საჯარო სკოლის პედაგოგს აღდგომა მიულოცეს. ლია გიგაურმა და გია მამულაშვილმა წარმატებულ პედაგოგს სიმბოლური საჩუქრები გადასცეს, გაწეული შრომისთის მადლობა გადაუხადეს და წარმატებები უსურვეს.

ზეინაბ ედიბერიძე ეთნიკური უმცირესობებით დასახლებულ რეგიონში ქართულ ენას ასწავლის. იგი პროგრამაში „ვასწავლოთ ქართული როგორც მეორე ენა“ 5 წლის წინ, დაწყებისთანავე ჩაერთო და მას შემდეგ, როგორც ქეშელოს საჯარო სკოლის მოსწავლეებს, ისე ადგილობრივ მოსახლეობასაც სახელმწიფო ენას ასწავლის. ზეინაბ ედიბერიძე წარმატებული პედაგოგიკის პარალელურად ადგილობრივ ქართულის მასწავლებლებსაც ატრენინგებს.