მასწავლებლის სახლში აფხაზეთის ა/რ განათლებისა და კულტურის სამინისტროს ორგანიზებით აფხაზეთის მასწავლებელთა კონფერენცია გაიმართა. კონფერენციაში აფხაზეთის საჯარო და ოკუპირებულ ტერიტორიაზე მოქმედი სკოლების 100-ზე მეტმა პედაგოგმა მიიღო მონაწილეობა.

კონფერენცია გახსნა აფხაზეთის ა/რ განათლებისა და კულტურის მინისტრის პირველმა მოადგილემ მანანა ქვაჩახიაm, რომელმაც შეაჯამა აფხაზეთის ა/რ განათლებისა და კულტურის სამინისტროს 2013 წლის მიღწევები და 2014 წლის გამოწვევები ზოგადი განათლების ხარისხის გაუმჯობესებისა და საგანმანათლებლო პროგრამების მიმართულებით.

კონფერენციაზე ასევე განხილულ იქნა საქართველოს განათლების სფეროში მიმდინარე რეფორმები და სხვადასხვა სიახლეები, რომლის შესახებაც საქართველოს განათლებისა და მეცნიერების მინისტრის მოადგილემ ლია გიგაურმა ისაუბრა.

კონფერენციის ფარგლებში აფხაზეთის უმაღლესი საბჭოს საპატიო სიგელით დაჯილდოვდა 2 ღვაწლმოსილი პედაგოგი და აფხაზეთის ა/რ განათლებისა და კულტურის სამინსიტროს პროექტის „ინოვაციური პედაგოგი“ გამარჯვებული 13 პედაგოგი.