მასწავლებლის სახლი პედაგოგებს ინფორმაციულ-საკომუნიკაციო ტექნოლოგიებში მომზადებას თბილისის გარდა უკვე რეგიონებშიც სთავაზობს. ტრენინგები დაწყებულია დმანისის, წნორი, კასპის, გორის, თიანეთის, ბათუმის, ზესტაფონის, მცხეთის, დუშეთის, თელავისა და ხაშურის მასწავლებლებისთვის. უახლოეს მომავალში ქალაქების რაოდენობა გაიზრდება.

მასწავლებლები რამდენიმე ძირითადი მიმართულებით ემზადებიან:

· „ვიდეო როგორც სასწავლო რესურსი“

· „ვირტუალური საკლასო ოთახი ედმოდო“

· „ელექტრონული სასწავლო რესურსების მომზადება "ანიმოტოს" გამოყენებით“

თითოეულ ტრენინგზე პედაგოგები ეცნობიან სასწავლო პროცესში ვიზუალური მასალის გამოყენების მეთოდოლოგიას, ისტ-ით გამდიდრებული გაკვეთილების თავისებურებებსა და სწორ მიდგომებს. გარდა ამისა ისინი სწავლობენ ვიდეო კლიპების მომზადებას პროგრამა „Movie Maker“-ის გამოყენებით, ვიდეოს განთავსებას ბლოგზე და სასწავლო მეთოდური მასალების პორტალში. ტრენინგებზე ყურადღება გამახვილდება პროგრამა Edmodo-ზეც. ეს არის საგანმანათლებლო სოციალურიქსელიმასწავლებლებისთვის, მოსწავლეებისთვისა და მშობლებისთვის, რომლის საშუალებითაც შესაძლებელია დავალებების გაგზავნა, გამოკითხვების შექმნა, ფაილების ატვირთვა ბიბლიოთეკაში, კომუნიკაცია მოსწავლეებთან და მშობლებთან და ა.შ. პედაგოგები ასევე შეისწავლიან „ელექტრონული სასწავლო რესურსების მომზადებას პროგრამა "ანიმოტოს" საშუალებით. ამ პროგრამის გამოყენებით ისინი მარტივად შექმნიან სასწავლო ვიდეო ფაილებს სურათებიითა და მუსიკით. იგი საშუალებას იძლევა ადვილად გაიცვალოს ვიდეოს მასალის ბმული ელექტორნული ფოსტით, გამოქვეყნდეს ბლოგზე/საიტზე, აიტვირთოს Youtube-ზე და ასევე გადმოწეროთ თქვენს კომპიუტერში პრეზენატაციის მოსაწყობად.