26 აპრილს, თბილისის ვანო სარაჯიშვილის სახელობის სახელმწიფო კონსერვატორიაში გაიმართება ფლორენციის მუსიკის სკოლის ტრენერის არნოლფო ბორსაჩის ვორქშოფი - „შესავალი მუსიკის შესწავლის თეორიაში“ (გორდონის მეთოდი).

ვორქშოფში მონაწილეობა შეუძლიათ მუსიკის მასწავლებლებს. შეხვედრა გაიმართება კონსერვატორიის N307 აუდიტორიაში - კამერულ დარბაზში. ვორქშოფი 11:00 საათიდან 18:00 საათამდე გასტანს. 14:00-15:00 საათისთვის სამუშაო შეხვედრის მონაწილეებისთვის გათვალისწინებულია შესვენება.

ღონისძიებას მასწავლებელთა პროფესიული განვითარების ეროვნული ცენტრის მხრიდან მუსიკის ექსპერტ-კონსულტანტი რუსუდან თაყაიშვილი დაესწრება.