მასწავლებელთა პროფესიული განვითარების ეროვნული ცენტრის „მასწავლებელთა და სკოლის დირექტორთა პროფესიული განვითარების პროექტის“ ფარგლებში „ტრენერთა სკოლა“ ამოქმედდა, რომელიც კვალიფიციური, სერტიფიცირებული ტრენერების მომზადებასა და გადამზადებას უზრუნველყოფს.

ტრენერთა სკოლამ უკვე დაიწყო მსურველთა რეგისტრაცია ტრენერთა მომზადების ზოგად კურსზე, რომელიც მონაწილეებისთვის ითვალისწინებს „ტრენერთა კომპეტენციების ჩარჩოთი“ განსაზღვრული ცოდნის გადაცემას, პროფესიული უნარ‐ჩვევების განვითარებას და დამოკიდებულებების ჩამოყალიბებას, რომლებიც აუცილებელია ხარისხიანი ტრენინგის დაგეგმვისა და ჩატარებისთვის.

კურსი განსაზღვრულია იმ პირებისთვის, რომლებსაც არ გააჩნიათ ან აქვთ ტრენერობის 2 წელზე ნაკლები გამოცდილება.

კურსი სამი მოდულისგან შედგება:

• ზრდასრულთა სწავლების პრინციპები;
• ეფექტურიკომუნიკაცია და ჯგუფის დინამიკა; 
• მოდულის დაგეგმვა, შეფასება და განვითარება.

იმისათვის, რომ მსურველმა კურსი გაიაროს, მას უნდა ჰქონდეს:

• მინიმუმ მაგისტრის ან მასთან გათანაბრებული აკადემიური ხარისხი;
• სწავლების გამოცდილება; ზოგადსაგანმანათლებლო ორგანიზაციის მართვის გამოცდილება ან სკოლის დირექტორის სერტიფიკატი.

პრიორიტეტი მიენიჭებათ პირებს, რომლებიც აკადემიურ ხარისხს ფლობენ განათლების,ჰუმანიტარულ (ინგლისური), სოციალურ (ფსიქოლოგია) ან საბუნებისმეტყველო მეცნიერებებში.

კურსის გავლის მსურველები შერჩევის ორ ეტაპიან პროცესს გაივლიან:

პირველ ეტაპზე დაინტერესებული პირი მასწავლებელთა პროფესიული განვითარების ეროვნული ცენტრის ვებ‐გვერდზე გაივლის ონლაინ რეგისტრაციას;

მეორე ეტაპზე, კანდიდატების მიერ წარმოდგენილი დოკუმენტაციის და საკვალიფიკაციომოთხოვნების შესაბამისობის დადგენის შემდეგ, კანდიდატი დაიშვება ჯგუფურ ან ინდივიდუალურ გასაუბრებაზე, რომლის წარმატებით გავლის შემდეგ პირი ჩაერთვება ტრენერის მომზადების ზოგად კურსში.

მოსამზადებელ კურსზე შერჩეული კანდიდატების დაფინანსებას ათასწლეულის გამოწვევის ფონდისა და მასწავლებელთა პროფესიული განვითარების ეროვნული ცენტრის „მასწავლებელთა და სკოლის დირექტორთა პროფესიული განვითარების პროექტი“ უზრუნველყოფს.

მონაწილეები სერტიფიკატს მიიღებენ კურსის დასრულებისა და შეფასების პროცესის წარმატებით გავლის შემთხვევაში.

უახლოეს მომავალში ტრენერთა სკოლა რეგისტრაციას გამოაცხადებს იმ პირებისთვის, რომლებსაც 2 წელზე მეტი ხნით ტრენერობის გამოცდილება გააჩნიათ.

ტრენერთა სკოლის ამოქმედება ხელს შეუწყობს ტრენერთა კორპუსის გაძლიერებას და მათი რესურსის გამოყენებას სხვადასხვა ორგანიზაციის (სახელმწიფო/არასამთავრობო/უნივერსიტეტი) ფარგლებში, სკოლებში დასაქმებული კადრების პროფესიული განვითარებისათვის.

კურსზე დარეგისტრირება შესაძლებელია 12 მარტის ჩათვლით, 18:00 საათამდე.

რეგისტრაციისთვის მიყევით ბმულს